Isang Liham Mula sa Kaibigan

Hello, friend?Hoy friend,

Hindi dahil ngumingiti siya kapag kasama ka niya e gusto ka na niya. Minsan, masyado ka lang ilusyonada. Siguro kasi kakapanood mo ng Glee, Awkward o kung ano pang TV series na pinaniniwala tayong laging may pag-asa ang tagilid na pag-ibig. Oo, tagilid, dahil isa siyang panginoong-may-lupa at isa kang aliping sagigilid.

Minsan, may mga tao lang talagang mababait. Ngingitian at tatanguan ka pag nagkita kayo, tatabihan ka sa upuan kapag lunch, itetext ka ng “Saan ka na, anong ginagawa mo,” at magyeyes lang nang magyeyes sa lahat ng gusto mo. Pero hindi ibig sabihin noon e gusto ka niyang maging syota. Masyado lang siyang mabait. Huwag ka munang magdaydream, masakit iyon kapag hindi nagkatotoo.

Minsan, gusto ka lang talaga niyang makasama kasi hindi corny ang jokes mo, palagi kang nanlilibre, hindi ka amoy putok at wala kang bad breath. Maraming dahilan kung bakit gusto ka niyang makasama palagi. Sabihin na nating mga 756 reasons. At isa lang dun ay yung gusto ka niyang maging girlfriend. Huwag magpakalunod dito, may 755 pang ibang dahilan. Parang pagkapanalo sa lotto ito. Mas posible pang tamaan ka ng kidlat kesa makuha mo ang gusto mo. Sabi nga ng nanay ko, para mong pinapana ang buwan.

May mga taong ipinaglihi sa kutsara. Stir lang ng stir. Paasahin ka sa wala. Alam niyang gusto mo siya, at gusto niya iyon kasi may ego massage iyong naidudulot. Syempre hindi niya iyon aaminin. Gagamitin pa niya iyon para i-affirm ang katotohanang hot shot talaga siya. Sasabihin niyang gusto ka niya, yayayain kang magsine, magsesex kayo at gagawing profile picture sa Facebook ang photo n’yong dalawa, pero wala lang ‘yon. Bored lang siya at walang magawa, at hindi available ang primary friends niya ng araw na iyon.

May mga tao ring cryptic. Pamysterious kumbaga. Mag-uupdate sa Facebook at Twitter ng lyrics ng kanta, o kaya e huhugot ng quote galing kay Nicholas Sparks. Huwag agad isipin na ikaw ang pinatutungkulan ng mga iyon. Ayos lang kiligin, pero maglaan ka ng oras para mahimasmasan. Huwag agad mag-update ng post na sumasagot sa status message niya. Subukan munang magkape para kabahan ng kaunti. Hindi siguro ito sinasabi sa iyo palagi ng mga tunay mong kaibigan, pero sometimes the world is not about you. May mga taong postmodern lang talaga, gusto lang nilang gawin ang isang bagay kasi why not.

Isang gabi, pwedeng sabihin niyang mahal ka niya, subalit huwag itong ituring na Gospel truth. Huwag muna itong isulat sa diary. Kung isa kang sigurista, itext siya sa umaga para iverify ang lahat ng kanyang soundbites na hindi ka pinatulog nang gabing iyon. Icorroborate ang information sa kanyang malapit na kaibigan, at kung kinakailangan ay magmultiple sourcing. Huwag idepende ang feelings mo sa iyong mga sariling pagmamaganda. Harapin ang katotohan at maging matapang because weakness is so mainstream.

Kung malaman mong isang malaking kahibangan mo lang ang lahat, huwag mag-alala, kasi hibang ka naman talaga. Lilipas din iyan. Ikain mo na lang. Huwag ka na ring makinig kay Adele at magpost ng mga status message na parang naging kayo talaga, baduy ‘yun.

Kung hindi mo siya maalis sa isipan mo, isipin ang lahat ng kanyang pangit na attributes: Lagi niyang napagpapalit ang letters p at f kapag nagsasalita, favorite TV show niya ang Jersey Shore at favorite word niya ang irregardless.

Sikaping kumbinsihin ang sariling ayos lang sa’yo na bitawan na siya. Nakaya mo namang kumbinsihin ang sariling mong may pag-asa kayo, di ba.

Nagmamahal pero naiinis din kasi tanga ka,

Me

Advertisements

~ by Es on 3 April, 2012.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: